الأستاذ راضى ـ ١

أيوه يا فندم ..

أنا راضى ..

راضى سعادتك راضى ..

موجود يا فندم ..

ورحمة أمى ..

ف سيرتك على طول ..

وحياة ولادى ..

عارف إنك مشغول ..

ومش فاضى ..

كان الله ف العون ..

إيه يا فندم ..

الوضع !!

مش حلو أوى ..

بس هو ده العادى ..

المترو !!

شغال يا فندم ..

واهو ساعات يعطل ..

عند سعد زغلول ..

وساعات يريّح ف المعادى ..

كل سنة ومعاليك طيب

انت العيد ده معانا !!

ولا لسه ف بلاد بره ..

طب والنبى ..

ابقى اغلط مرة ..

وعدى اشرب الشاى ..

لا إله إلا الله ..

باى باى