ماعرفتش أحضنك

مقدمة لابد منها..
دورنا كتير على روحنا..
وجينا وروحنا..
وماعرفناش..
وحاولنا ننسى جروحنا..
بس قلوبنا
مابتنساش..
وده ضاع مننا ببلاش
وده راح من هنا ولا جاش
أصعب شىء فى الدنيا
لما عيونا تبص علينا
وماتشفناش..
■ ■ ■
ماعرفتش أحضنك..
ماعرفش إيه حاشنى..
بتوحشنى..
بجد بجد بتوحشنى..
ماعرفتش أحضنك
يمكن عشان..
طعم الكلام..
يمكن عشان..
كتر الزحام..
مخنوق..
وهى الدنيا إمتى..
كانت بتروق..
يمكن عشان..
خايف أفوق..
ماعرفتش أحضنك..