تلات محطات

قابلت قلوب كتير
الطيب واللبط..
ده قلبى منى طفش
وده قلب فىَّ شبط..
وبين الفرح والوجع
أنا قلبى ياما اتخبط..
لكنى بارجع أعيش
وأعشق
وأحب بعبط..
? ? ?
بيسألونى ليه
ومن إيه كده مبسوط..
ما هى هى الشوارع
والناس..
ونفس البيوت..
والعيد بيجى..
وزى ما بيجى..
بيمشى تانى ف سكوت..
معذورين أصحابى
ولا مرة شافونى عايش
لكن شافونى كتير
وأنا باموت..
? ? ?
شوف
هى قرف وحرف وظروف..
ودنيا بنت لذين جميلة
وصعبة أوى
وقال وش كسوف..
ساعات ياخدنا بساط الريح
وساعات نقضى الرحلة وقوف..
وكتير نحاول نقراها
لا نلقى نقط
ولا نلقى حروف..