الخميس، 11 مارس 2010

شارع عبد العزيز

صديقي الياباني..
كان في زياره لمصر تاني..
وهو شخص ابن بلد و لذيذ..
كان فرحان أوي و احنا بنتمشى في شارع عبد العزيز..
قاللي شايف يا فريكيكو
كل ده ياباني.. كل ده ياباني
وده اللي خلاني أقوله
طول عمرك يا سيكو سيكو خايب
شوف انت تسهر و تفكر و تصدر
و أنا آخد جمارك و ضرايب..
إنت هنا في بلاد العجايب..
أمال ايه..
قاللي ليه الهيصه الكتير دي واللمه
قلت له البلد كلها في ثانوية عامه..
عندكوا مكتب تنسيق يا سيكو سيكو
قاللي بس ده مش حل يا فريكيكو
عندنا في اليابان مافيش مستحيل
قلت له و عندناف مصر بالنا طويل
وعندنا تلات اهرامات و نيل..
و مستورة و زي الفل
قاللي عندنا ف اليابان المسئول اللي يغلط..
مفيش غير الانتحار..
قلت له و عندنا ف مصر
اللي يخربها بيخرج منها
معزز مكرم من صالة كبار الزوار
ده المسامح كريم يا أخي
وبعدين..
روحنا اتغدينا كوارع ف الحسين
من ساعتها مش عارف هو فين..
ما شفتش سيكو سيكو يا حاج رضا

ليست هناك تعليقات:

إرسال تعليق