الجمعة، 5 مارس 2010

مش بتاع كده

لما أنا مش بتاع كده ..
ولا بتاع كده ولاكده ..
أمال أنا بقي ..
أبقي بتاع إيه ..
لما أنا مش شيخ ..
ولافلتان ..
لما أنا مش فايق ..
ولا سكران ..
وساعات يتهيألي ..
إن أنا فرحان ..
أتنطط وأصرخ ..
وأقول هيه ..
لما أنا مش أفندي ..
ولافلاح ..
ولا شجرة جميز ..
ولا تفاح ..
لا أنا بتألم ولا مرتاح ..
لا عندي شيء استناه ..
ولا عندي شيء أبكي عليه ..
ولما أنا شايف الحال بقي كده ..
طب ساكت ليه ..
يا عم أنا مش بتاع كده ..
فيه إيه!

ليست هناك تعليقات:

إرسال تعليق